“ბარსელონა” ხუან ბერნატით დაინტერესდა

“ბარსელონა” ფრანგული “პარი სენ-ჟერმენის” მარცხენა მცველის, ხუან ბერნატის დამატებას შეეცდება. ამ ინფორმაციას RMC Sport ავრცელებს.

წყაროს ცნობით, კატალონიური კლუბი ბერნატის ირგვლივ განვითარებულ მოვლენებს ყურადღებით აკვირდება. 27 წლის ესპანელმა ფეხბურთელმა, რომელსაც მოქმედი კონტრაქტის ვადა 2021 წლის ზაფხულში ეწურება, პარიზელებთან ხელშეკრულების გახანგრძლივებაზე შეთანხმებას ვერ მიაღწია, რითიც სარგებლობას “ბარსელონა” აპირებს.

ცნობისთვის, ხუან ბერნატს, რომელიც პსჟ-ს, 2018 წელს, “ბაიერნიდან” შეუერთდა, ესპანეთის ჩემპიონატში თამაშის დიდი გამოცდილება აქვს. იგი “ვალენსიას” პირველ გუნდში 2011-2014 წლებში ირიცხებოდა.