არიგო საკი დარწმუნებულია, რომ გუარდიოლასთვის უკეთესი იქნება, თუ მომდევნო სეზონშიც “ბარსელონას” თავკაცი იქნება.
საკიმ იცის, რომ გუარდიოლა დაიღალა “ბარსელონაში” 4 წლის განმავლობაში მუშაობით, თუმცა დარწმუნებულია, რომ კატალონიელი მწვრთნელი უკეთეს გუნდს ვერ იშოვის. “ მე “მილანიდან” წავედი იმიტომ, რომ დავიღალე, იმიტომ, რომ ოთხ წლიანი მუშაობის შემდეგ ლიმონივით ვიყავი გამოწურული. რა თქმა უნდა, გადაწყვეტილება გუარდიოლამ უნდა მიიღოს, თუმცა თუ ის მოტივაციას ეძებს, უმჯობესი იქნება დარჩეს სახლში. “ბარსა” – ეს მისი სამშობლოა, მისი ისტორიაა, მისი გარემოებაა. მისთვის უკეთესი იქნება “ბარსაში” დარჩენა.”
ყოველ შემთხვევაში, თუ პეპი წასვლას გადაწყვიტავს, საკი მას ურჩევს, თავი აარიდოს იტალიას: “ეს უკანასკნელი ქვეყანაა, სადაც მას უღირს წასვლა. იტალიაში ვერ მიეჩვივნენ ბურთთან ერთი შეხებით თამაშს, შესაბამისად პეპის სათამაშო სტილი აქ ვერ გაიხარებს. გარდა ამისა, კლუბები აქ მომენტალურად ითხოვენ შედეგს.”


