კატალონიის “ბარსელონას” ერთ-ერთმა ლიდერმა, ჩავი ერნანდესმა სულ ცოტა ხნის წინ, ლა ლიგაში მე-400 მატჩი ჩაატარა “ბარსას” მაისურით.
მოგეხსენებათ “პრიმერას” მე-19 ტურის მატჩში, კატალონიის “ბარსელონამ” “ბეტისს” უმასპინძლა და 4-2 დაამარცხა. ეს შეხვედრა ჩავი ერნანდესისათვის საიუბილეო გამოდგა. ჩავიმ ლა ლიგაში “ბარსას” მაისურით მე-400 მატჩი ჩაატარა და იუბილე გოლითაც აღნიშნა.
ცნობისთვის “პრიმერაში” ჩავი ერნანდესს “ბლაუგრანას” შემადგენლობაში დებიუტი 1998 წლის 3 ოქტომბერს “ვალენსიას” წინააღმდეგ ჰქონდა.