”ბარსა” მცველმა, ხერარდ პიკემ გუშინდელი დიდი იმედგაცრუების შემდეგ ინტერვიუ მისცა СМИ-ს. როგორც მოგეხსენებათ, გუშინდელ მატჩი ”ბარსასთვის” ყველაფერი კარგად მიდიოდა 86-ე წუთამდე. სწორედ ამ დროს მოახერხეს ”ესპანიოლის” ფეხბურთელებმა წონასწორობის აღდგენა და თამაში ფრედ, 1-1 დამთავრდა.
”ეს თამაში რთულად დასავიწყებელი იქნება ჩვენთვის. ”ესპანიოლთან” თამაში ძალიან რთული იქნებოდა, ეს ჩვენ თამაშამდეც ვიცოდით. ასევე არ შემიძლია არ ვთქვა ”ესპანიოლის” კარში არ დანიშნულ 11 მეტრიან პენალტზე. ყველამ კარგად ვნახეთ, რომ იმ მომენტში რაულ როდრიგესმა ხელით ითამაშა. რეფერიმ ძალიან მარტივი შეცდომა დაუშვა”. – განაცხადა ხერარდ პიკემ.
შეგახსენებთ, რომ გუშინ გამართული შეხვედრის შემდეგ “ბარსას” 38 ქულა აქვს. პირველ ადგილოსან მადრიდის “რეალთან” ჩამორჩენა 5 ქულას შეადგენს.