რობერტ ლევანდოვსკი ისტორიული რეკორდის ზღვარზე

“ბარსელონას” თავდამსხმელი რობერტ ლევანდოვსკი ჩემპიონთა ლიგის მორიგ მატჩში შესაძლოა ისტორიული რეკორდის ავტორი გახდეს. პოლონელი ფორვარდი უკვე იმ ფეხბურთელებს შორისაა, რომლებმაც ამ ტურნირზე ყველაზე მეტ სხვადასხვა მეტოქეს გაუტანეს გოლი.

ამ დროისთვის ლევანდოვსკის ჩემპიონთა ლიგაზე გოლი გატანილი აქვს 40 სხვადასხვა გუნდთან, რაც იგივე მაჩვენებელია, რაც ლიონელ მესის ჰქონდა.

თუ “ნიუკასლთან” მატჩში პოლონელი ფორვარდი გაიტანს, ის გახდება პირველი ფეხბურთელი ჩემპიონთა ლიგის ისტორიაში, რომელსაც გოლი ექნება გატანილი 41 განსხვავებული მეტოქის წინააღმდეგ.

ლევანდოვსკი ევროპულ ტურნირში უკვე 14 წელზე მეტია რეგულარულად იტანს და ამ დროის განმავლობაში ასზე მეტი გოლი დააგროვა. მისი პირველი გოლი ჩემპიონთა ლიგაზე 2011 წელს “ოლიმპიაკოსის” წინააღმდეგ შედგა, როცა იგი “დორტმუნდში” თამაშობდა.

ახლა კი პოლონელი თავდამსხმელი კიდევ ერთი ისტორიული ნაბიჯის გადადგმის შანსს იღებს. თუ “სენტ ჯეიმს პარკზე” ლევანდოვსკი კვლავ გამოიჩენს თავს, ჩემპიონთა ლიგის რეკორდების წიგნში მისი სახელი კიდევ ერთხელ ჩაიწერება.