ბარსელონას ბერანრდუ სილვას ტრანსფერის სჯერა | ჟერარ რომერო

ერთი კვირის წინ ბერნარდუ სილვას ტრანსფერთან დაკავშირებით იმედიანად ვიყავით განწყობილნი, თუმცა ბოლო დღეებში “ბარსელონას” პოზიციები შესუსტდა. მიუხედავად ამისა, კატალონიურ კლუბს სჯერა, რომ პორტუგალიელის შეძენა კვლავ შესაძლებელია.

ჟერარ რომეროს ინფორმაციით, “ბლაუგრანას” იმედი არ გადაუწურავს – მეტიც, კლუბი მომდევნო კვირაში “მანჩესტერ სიტის” ხელმძღვანელობასთან შეხვედრაზე ფიქრობს. “ბარსას” ტრანსფერისთვის საკმარისი თანხა აქვს, თუმცა პრობლემას ლა ლიგის ფინანსური რეგულაციები ქმნის, რომელთა დასაკმაყოფილებლად ფეხბურთელების გაშვებაა საჭირო.

ბარსელონელი ჟურნალისტის თქმით, ბერნარდუ სილვას პეპ გვარდიოლას ან ჩიკი ბერგისტაინისთვის არ უთქვამს, რომ გუნდში რჩება, რაც ეწინააღმდეგება გავრცელებულ ინფორმაციას, თითქოს 28 წლის ნახევარმცველმა მიმდინარე სეზონში კლუბის შეცვლა გადაიფიქრა. თუ რომეროს ვენდობით, პორტუგალიელს “ბარსაში” გადასვლა კვლავ ძალიან უნდა.