ბარსელონა ბაიერნს ახალ შეთავაზებას გაუგზავნის

ტომაშ ვლოდარჩიკის ცნობით, “ბარსელონა” “ბაიერნს” ახალ, რიგით მესამე შეთავაზებას უმზადებს.

პოლონელი ჟურნალისტის თქმით, “ბარსა” გერმანულ კლუბს ფიქსირებულ 40 მილიონ ევროსა და პლუს, ბონუსების სახით, იმდენს შესთავაზებს, რომ ტრანსფერმა დაახლოებით 50 მილიონამდე მიაღწიოს. კატალონიელები, დიდი ალბათობით, ახალი წინადადებით “ბაიერნს” უახლოეს 24 საათში მიმართავენ.

მხარეები ფიქრობენ, რომ კარგი იქნება, თუ ტრანსფერი 12 ივლისამდე, ანუ “ბაიერნისთვის” პრესეზონის დაწყებამდე შედგება. წყაროს ინფორმაციით, “რეკორდმაისტერს” ლევანდოვსკის გაყიდვაზე ახლა იმდენად ღია პოზიცია უჭირავს, როგორც არასდროს. მომდევნო დღეები, შესაძლოა, გადამწყვეტი აღმოჩნდეს.

რობერტის თაობაზე “ბარსელონას” პირველი შეთავაზება – 32 მილიონ ევროს (+5 მილიონი ბონუსები), მეორე კი 35-ს (+5 მილიონი) მოიცავდა, მაგრამ გერმანელებმა არცერთ მათგანს არ უპასუხეს.