ბარსა-ნაპოლი – შემადგენლობა და პროგნოზი ქართველი გულშემატკივრების ვერსიით

ჩვენი საიტი მომხმარებლებს საშუალებას აძლევს, ყოველი თამაშის წინ მწვრთნელის როლი მოირგონ და სასურველი შემადგენლობა დააყენონ.

დღევანდელ გამოკითხვაში მომხმარებლების 89%-მა უპირატესობა 4-3-3 წყობას მიანიჭა.

გულშემატკივრებმა ერთხმად აირჩიეს ტერ შტეგენი (98%), პიკე (100%), ალბა (99%) და ადამა ტრაორე (97%). შემადგენლობაში მოხვედრილთაგან ყველაზე ცოტა, 53% ისევ სერხიო ბუსკეტსმა მიიღო.

გთავაზობთ ჩვენი მომხმარებლების მიერ “ნაპოლისთან” დღევანდელი მატჩისთვის შედგენილ სასტარტო შემადგენლობას:

ტერ შტეგენი – დესტი, პიკე, გარსია, ალბა – ბუსკეტსი, გავი, პედრი – ტორესი, ობამეიანგი, ტრაორე.

რაც შეეხება პროგნოზს – მომხმარებელთა უმეტესობა მიიჩნევს, რომ “ბარსელონა” ანგარიშით 2-1 მოიგებს.

თამაშის დასრულებისთანავე ჩვენს მომხმარებლებს საშუალება ექნებათ, “ბარსელონა”, მისი მწვრთნელი და თითოეული ფეხბურთელის თამაში შეაფასონ.