ბარსელონას სავარაუდო შემადგენლობა ატლეტიკთან მატჩისთვის MD-ის ვერსიით

ესპანეთის თასის მერვედფინალური ეტაპის ეგიდით, “ბარსელონა” “სან მამესზე” ბილბაოს “ატლეტიკს” დაუპირისპირდება. Mundo Deportivo დასახელებული მატჩისთვის კატალონიური გუნდის სავარაუდო თერთმეტეულს გვთავაზობს. 

მეკარე ყველაზე მარტივი ასარჩევია – “ბარსას” კარს ტრადიციულად მარკ-ანდრე ტერ შტეგენი დაიცავს. ჩავის დაცვაში დიდი არჩევანი არ აქვს – სერჟი რობერტო, ერიკ გარსია და სამუელ უმტიტი ტრავმირებულები არიან და ცენტრალური დაცვის წყვილის პროგნოზირება მარტივი არაა, ერთმანეთს რონალდ არაუხო და ჟერარ პიკე შეუწყვილდებიან, ფლანგებზე კი ჟორდი ალბა და დანი ალვესი ითამაშებენ.

ნახევარდაცვაში სერხიო ბუსკეტსსა და ახლად დაბრუნებულ პედრის ადგილი გარანტირებული აქვთ, კიდევ ერთ შუახაზელს კი ჩავი ფრენკი დე იონგს, ნიკო გონსალესსა და გავის შორის აარჩევს. შესაძლოა, უპირატესობა ამ უკანასკნელს მიენიჭოს, ვინაიდან ის ლა ლიგაში დისკვალიფიცირებულია და 23 იანვარს “ალავესთან” მატჩს გამოტოვებს. შესაბამისად, ნიკოსა და ფრენკის მოედანზე მეორე ნახევარში უნდა ველოდეთ. 

ბოლო პერიოდში შემადგენლობის უცვლელი წევრი, ლუკ დე იონგი შეხვედრას დისკვალიფიკაციის გამო გამოტოვებს და მის ადგილს ახლად გამოჯანმრთელებული ანსუ ფატი დაიკავებს. ფლანგებზე კი ფერან ტორესი და უსმან დემბელე იმოქმედებენ. იმ შემთხვევაში, ფრანგი დასაჯეს და ტრიბუნებზე გადასვეს, ჩავი თერთმეტეულში მემფის დეპაის დააბრუნებს.

საერთო ჯამში, “ბარსას” სავარაუდო შემადგენლობა ასე გამოიყურება:

4-3-3 | ტერ შტეგენი – ალვესი, არაუხო, პიკე, ალბა – გავი, ბუსკეტსი, პედრი – ფერანი, ფატი, დემბელე