რატომ არ დაესწრნენ პედრი და დემბელე აგუეროს პრესკონფერენციას

გუშინ სერხიო აგუეროს გამოსამშვიდობებელი პრესკონფერენცია გაიმართა – კუნმა საფეხბურთო კარიერა გულის პრობლემების გამო დაასრულა.

Mundo Deportivo-ს ცნობით, პედრი გონსალესი არგენტინელის პრესკონფერენციას სამედიცინო შემოწმების გამო ვერ დაესწრო. ტესტირების შედეგად დადგინდა, რომ 19 წლის ფეხბურთელის სარეაბილიტაციო პროცესი კარგად მიმდინარეობს და, თუ ყველაფერი გეგმის მიხედვით წავა, შესაძლოა, მან 2 იანვარს “მალიორკას” წინააღმდეგ ითამაშოს.

რაც შეეხება უსმან დემბელეს – ფრანგი არც აგუეროს პრესკონფერენციას დასწრებია და არც Espai Barça-ს გამოფენას, რაც ეჭვებს ბადებს, რომ, შესაძლოა, ისიც სამედიცინო შემოწმებას გადიოდა.