ბარსელონას სავარაუდო შემადგენლობა ოსასუნას წინააღმდეგ Sport-ის ვერსიით

ხვალ, ლა ლიგის მე-17 ტურის ეგიდით, “ბარსელონა” სტუმრად “ოსასუნას” დაუპირისპირდება.

Sport აღნიშნული შეხვედრისთვის გუნდების სავარაუდო შემადგენლობებს გვთავაზობს.

გამოცემის მტკიცებით, ჩავი ერნანდესი პამპლონელების წინააღმდეგ 3-4-3 ფორმაციას გამოიყენებს, რომელმაც “ვილიარეალთან” შეხვედრაში შედეგი გამოიღო.

კატალონიელთა კარს ტრადიციულად მარკ-ანდრე ტერ შტეგენი დაიცავს, დაცას კი, ჟორდი ალბას ტრავმისა და სერჟინიო დესტის უსახური თამაშის გამო, რონალდ არაუხო, ჟერარ პიკე და კლემან ლანგლე დააკომპლექტებენ. ბევრის გასაკვირად, ჩავი ლანგლეს ნდობას უცხადებს, ერიკ გარსიას კი, ზედიზედ ორი მატჩია, სათადარიგოთა სკამზე ტოვებს.

ნახევარდაცვას სერხიო ბუსკეტსი, ფრენკი დე იონგი, ნიკო გონსალესი და გავი გაამაგრებენ. ამ უკანასკნელს მოედანზე გადაადგილების უფრო მეტი თავისუფლება ექნება, როგორც ეს “ბაიერნთან” შეხვედრაში მოხდა.

შეტევაში სიახლეებია. ჩავი მარჯვენა ფლანგზე კიდევ ერთ შანსს მისცემს აბდე ეზალზულის, რომლისგანაც ბევრს მოელის. ცხრიანის პოზიციას, მემფის დეპაის ტრავმის გამო, ამ უკანასკნელის თანამემამულე, ლუკ დე იონგი დაიკავებს, მარცხენა ფლანგზე კი უსმან დემბელე იასპარეზებს.

მთლიანობაში “ბარსას” სავარაუდო თერთმეტეული ასე გამოიყურება:

3-4-3 | ტერ შტეგენი; არაუხო, პიკე, ლანგლე; ნიკო, ბუსკეტსი, გავი, ლ. დე იონგი; ეზალზული, ფ. დე იონგი, დემბელე

“ბარსელონასა” და “ოსასუნას” დაპირისპირება თბილისის დროით 19:15 საათზე დაიწყება და მის პირდაპირ რეპორტაჟს სილქ უნივერსალი წარმოგიდგენთ.