ფილიპე კოუტინიო ბრაზილიის ნაკრების განაცხადში მოხვდა

ბრაზილიის ნაკრების მთავარმა მწვრთნელმა, ტიტემ, მოახლოებული მატჩებისთვის “სელესაოს” შემადგენლობა დაასახელა. განაცხადში “ბარსელონას” ერთი ფეხბურთელი – ფილიპე კოუტინიო მოხვდა.

23-კაციან სიაში მოხვდა მარჯვენა მცველი ემერსონიც, რომელმაც “ბარსა” ზაფხულში დატოვა (კლუბის გადაწყვეტილებით) და “ტოტენჰემს” შეუერთდა. 

სრული განაცხადი ასეთია: ალისონი, ედერსონი, შაპეკო; დანილო, ემერსონი, ალექს სანდრო, რენან ლოდი, მილიტაო, ვერისიმო, მარკინიოსი, ტიაგო სილვა; კაზემირო, ფაბინიო, ფრედი, ჟერსონი, პაკეტა, კოუტინიო; ანტონი, ფირმინო, ჟეზუსი, კუნია, ნეიმარი, რაფინია დიასი. 

ბრაზილია მსოფლიო ჩემპიონატის შესარჩევი ეტაპის შეხვედრებს 12 ნოემბერს კოლუმბიის (თბილისის დროით 04:30) საათზე, ხოლო 17 ნოემბერს არგენტინის წინააღმდეგ (03:30) გამართავს. 

ფილიპე კოუტინიომ ეროვნული გუნდის მაისურით ბოლოს გასული წლის ოქტომბერში ითამაშა. სულ, მის ანგარიშზე 63 მატჩი და 18 გოლია.