“ბარსელონას” ფრანგი გარემარბის, უსმან დემბელეს გამოჯანმრთელების პროცესი კარგად მიმდინარეობს და ის, შესაძლოა, “ელ კლასიკოში” დაბრუნდეს. ამ ინფორმაციას AS ავრცელებს.
წყაროს თანახმად, წინასწარი გათვლებით, 24 წლის ფეხბურთელი თამაშს, გუნდთან ერთად 10-15 ვარჯიშის ჩატარების შემდეგ შეძლებდა, სამშაბათს კი დემბელე მე-13 გუნდურ ვარჯიშს გამართავს, ამიტომ გამორიცხული არაა, ის მადრიდის “რეალის” წინააღმდეგ გასამართი მატჩის განაცხადში მოხვდეს და 10-15 წუთი ითამაშოს კიდეც. მიუხედავად ამისა, სამწვრთნელო შტაბი გადაწყვეტილებას ფრანგის ფიზიკური მდგომარეობის გათვალისწინებით მიიღებს.
დემბელესგან განსხვავებით, “რეალთან” პედრისა და რონალდ არაუხოს თამაში გამორიცხულია. AS-ის ცნობით, გონსალესის დაბრუნება 30 ოქტომბერს, “ალავესთან” იგეგმება, ურუგვაელი უკანახაზელი კი, სავარაუდოდ, კიდევ 3 კვირა იუქმებს და, საუკეთესო შემთხვევაში, 2 ნოემბერს, კიევის “დინამოსთან” დაპირისპირებისთვის გამოჯანმრთელდება.
დემბელემ ტრავმა, დაახლოებით, 4 თვის წინ მიიღო და მას შემდეგ 12 შეხვედრა გამოტოვა. პედრი 30 სექტემბერს, “ბენფიკასთან” შეხვედრაში დაშავდა, არაუხომ კი დაზიანება არგენტინის ნაკრების წინააღმდეგ გამართულ მატჩში მიიღო.
ათამაშონ და ან მოკვდეს ან დარჩეს. ეს მაინც უფასოდ უნდა აითესოს და დალეწონ მაინც და ისე გაუშვან.
ისე ცაცია შემტევებში მაგრად გვიჭირს. მარტო ეს და დემირი თამაშობენ მარჯვენა ფლანგზე. კოლიადოც ითამაშებდა კუმანი რომ არა. მე პირადად აიაქსის ნერეში ან ანტონი მინდა ამ პოზიციისთვის.
მოგვიგია და ეგაა
არ გვინდა კაცო გაწიე იქეთ. ეს არცაა ბარსელონას ფეხბურთელი. დავიწყებული მაქვს ხოლმე მე და ასე სტატიებით მახსენდება მერე. დაიკიდეთ ეს