დე იონგი და დეპაი ლა ლიგის კვირის სიმბოლურ გუნდში მოხვდნენ

WhoScored-მა ლა ლიგის მე-2 ტურის სიმბოლური ნაკრები დაასახელა.

ესპანეთის ჩემპიონატის გასული ტურის სიმბოლურ გუნდში “ბარსელონადან” ფრენკი დე იონგი და მემფის დეპაი მოხვდნენ. WhoScored-მა მათ 10-ბალიანი შეფასების სისტემიდან, შესაბამისად, 7.8 და 7.7 დაუწერა.

დე იონგმა “ბილბაოსთან” შესანიშნავად ითამაშა, დეპაის გოლის წყალობით კი “ბარსელონამ” ქულის მოპოვება მოახერხა.

ლა ლიგის კვირის სიმბოლური გუნდი ასე გამოიყურება: დიტურო (სელტა), ვიდალი (ოსასუნა), დ. გარსია (ოსასუნა), პიერი (ლევანტე), გალანი (სელტა), ოიარსაბალი (სოსიედადი), ტორო (ოსასუნა), დე იონგი (ბარსელონა), ვინისიუსი (რეალი), ფექირი (ბეტისი), დეპაი (ბარსელონა).