დღეს კატალონიის “ბარსელონამ” მადრიდის “რეალთან” საკალათბურთო მატჩი, ანგარიშით, 85-87 წააგო.
აღსანიშნავია, რომ სტუმრებმა შეხვედრაში უპირატესობა თავიდანვე მოიპოვეს, თუმცა ბოლო წუთებზე “ბარსამ” მოგების შანსი შეინარჩუნა, წამებით ადრე კი საერთოდ წინ გავიდა, მაგრამ საბოლოოდ, 2 ქულით დამარცხდა.
დაპირისპირების ყველაზე შედეგიანი კალათბურთელი კორი ჰიგინსი გახლდათ, რომელმაც 21 ქულა (ამასთანავე, 3 მოხსნა და 2 ასისტი) მიითვალა. სამეულს ასევე “ბარსელონელები” – ნიკ კალატესი (18 ქულა, 3 მოხსნა, 4 ასისტი) და ნიკოლა მიროტიჩი (17 ქულა, 4 მოხსნა, 1 ასისტი) ხურავენ.
დღევანდელ “ელ კლასიკოში” მონაწილეობა NBA-დან მშობლიურ კლუბში დაბრუნებულმა, 40 წლის ლეგენდარულმა პაუ გასოლმაც მიიღო, რომლის ანგარიშზეც 3 მოხსნაა.
მატჩს “ლურჯ-ბროწეულისფერთა” პრეზიდენტი, ჟოან ლაპორტაც ესწრებოდა.
ამათ საბოლოოდ მომიკლეს გული.
მიროტიჩი და გასოლი ყავთ და როგორ ვერ მოიგეს
საშინელი თამაში იყო ბოლო წამამდე შანსი ქონდა ბარსას ვაჰ რა დაძაბეს
არადა ორივე სპორტში ვუგებდით!☹
ვუყურე თამაშს და აქაც უიღბლობა იყო ძალიან !