ლა ლიგის ლიდერმა ქულები დაკარგა

ცოტა ხნის წინ დასრულდა ლა ლიგის გადადებული შეხვედრა მადრიდის “ატლეტიკოსა” და “ლევანტეს” შორის, “როხიბლანკომ” ქულები გაანიავა.

შეხვედრის მე-17 წუთზე ანგარიში ენის ბარდიმ გახსნა, რომელსაც მარკოს ლიორენტემ 37-ე წუთზე გატანილი გოლით უპასუხა და ტაბლოზე საბოლოო ანგარიში დააფიქსირა.

საბოლოოდ გამოვიდა, რომ ვალენსიელებმა გათმაშების ლიდერი შეაჩერეს და ჩემპიონატს ინტრიგა შეუნარჩუნეს. მადრიდელებმა კი, თავის მხრივ, ბოლო 3 შეხვედრიდან ორში ქულები დაკარგეს.

“ბარსელონასა” და “ატლეტიკოს” ამ მომენტისთვის შეხვედრების თანაბარი რაოდენობა აქვთ ჩატარებული (22), სხვაობა კი 9 ქულას შეადგენს (55-46).

“ბარსელონა” “ელჩესთან” გამოტოვებულ შეხვედრას 24 თებერვალს გამართავს, ხოლო “ატლეტიკოსა” და “ბილბაოს” შორის გადადებული მატჩი 10 მარტს გაიმართება.