“რეალი”, შესაძლოა, “ელ კლასიკოს” მარჯვენა მცველის გარეშე შეხვდეს

მადრიდის “რეალი” სეზონის პირველ “ელ კლასიკოს” სერიოზული დანაკლისით ხვდება. 

გუშინ ცნობილი გახდა, რომ ზინედინ ზიდანის გუნდის ესპანელმა მარჯვენა მცველმა დანიელ კარვახალმა ტრავმა მიიღო და დიდი ალბათობით, ის “ბარსელონას” წინააღმდეგ ვერ ითამაშებს. კარვახალის შემცვლელი ალვარო ოდრიოსოლა უნდა ყოფილიყო, თუმცა დღეს ისიც დაზიანდა და თუ მისი ტრავმა მსუბუქი არ აღმოჩნდა, არის შანსი, “რეალს” “ელ კლასიკოსთვის” ნომინალური მარჯვენა მცველი არ ჰყავდეს. თუ ეს მოხდება, ზიდანს ამ პოზიციაზე ლუკას ვასკესის ან სარეზერვო გუნდის რომელიმე მოთამაშის დაყენება მოუწევს, რაც ანსუ ფატის შეტევას გაუადვილებს. 

კიდევ ერთი ფეხბურთელი, რომელიც “ბლანკოსს” “კლასიკოში” სავარაუდოდ ვერ დაეხმარება, ედენ აზარია. 

შეგახსენებთ, რომ “ბარსელონასა” და “რეალის” დაპირისპირება სანაკრებო პაუზის დასრულებიდან ერთ კვირაში, 25 ოქტომბერს გაიმართება.