“ატლეტიკოს” პრეზიდენტი: თუ მესის სუარესთან ერთად თამაში სურს, ენთუზიაზმით ყველაფერი შესაძლებელია

მადრიდის “ატლეტიკოს” პრეზიდენტმა, ენრიკე სერესომ, ლუის სუარესის ტრანსფერზე კიდევ ერთხელ ისაუბრა. 

“ცხოვრებაში თუ რაიმე გსურს… თუ მესის ლუისთან ერთად თამაში უნდა, ასე ვიტყოდი: ენთუზიაზმით ყველაფერი შესაძლებელია. 

სუარესის ტრანსფერზე მოლაპარაკებებმა შესანიშნავად ჩაიარა. ბართომეუ კარგი მეგობარი და შესანიშნავი ადამიანია. ამჟამად, “ბარსელონაში” ყველაფერი რიგზე არაა, თუმცა მან ისე იმოქმედა, როგორც საჭირო იყო. ტრანსფერი რთული არ ყოფილა, ფეხბურთელმა ითამაშა იქ, სადაც სურდა.”, – სერესოს სიტყვებს Mundo Deportivo რადიო Cadena Cope-ზე დაყრდნობით ციტირებს.