ჯენარო გატუზო: ბარსელონაში დასასვენებლად არ ჩავდივართ

ნეაპოლში ნათამაშები ფრის შემდეგ, “ბარსელონა” “ნაპოლისთან” “კამპ-ნოუზე” შესახვედრად ემზადება.

“იუვენტუსთან”, თასის ფინალში, მოპოვებული გამარჯვების შემდეგ, იტალიელებს თავდაჯერება შეემატათ. ჯენარო გატუზომ გუნდის “ბარსასთან” მატჩისთვის განწყობაზე ისაუბრა.

“ამ შეხვედრას ჩვენ საუკეთესო ფიზიკური და ფსიქოლოგიური მომზადებით შევხვდებით. ბარსელონაში დასასვენებლად ჩასვლას არ ვაპირებთ. რაც უფრო გვიან დასრულდება ჩვენი სეზონი, მით უკეთესი.”

შეგახსენებთ, რომ პირველი შეხვედრა “სტადიო სან პაოლოზე” 1-1 დასრულდა. განმეორებითი თამაში კი პანდემიის გამო გადაიდო. როგორც ცნობილია, ეს მატჩი 7 ან 8 აგვისტოს გაიმართება.