რაკიტიჩს ახალი მსურველი ჰყავს

რაც უფრო მეტი დრო გადის, ივან რაკიტიჩის მსურველთა რიცხვიც უფრო და უფრო იზრდება. უკანასკნელი შემომატებული მსურველი “ტოტენჰემ ჰოტსპურია”. 

გავრცელებული ინფორმაციის თანახმად, ჟოზე მოურინიომ მომავალი სეზონისათვის “დეზების” შემადგენლობის გასაძლიერებლად, რაკიტიჩის დამატების სურვილი გამოთქვა. 

“ტოტენჰემი” “სევილიას”, “ატლეტიკოს”, “იუვესა” და “ნაპოლის” შეუერთდა. ეს იმ გრანდების ჩამონათვალია, რომლებიც რაკიტიჩის მიმართ ინტერესს იჩენენ. 32 წლის ფეხბურთელს “ბარსელონასთან” კონტრაქტი 1 წელიწადში ეწურება. რამდენიმე დღის წინ, MD-სთვის მიცემულ ინტერვიუში რაკიტიჩმა განაცხადა, რომ საკუთარ მომავალს თავად აირჩევს, ირიბად მან “ბარსაც” გააკრიტიკა, როდესაც ახსენა, რომ მას არ სურს კარტოფილის ტომარასავით მოექცნენ.

ტოტენჰემი კატალონიურ გუნდს რამდენიმე დღის წინ არტურის თაობაზეც დაუკავშირდა. პორტუგალიელ მწვრთნელს გუნდის ნახევარდაცვის სრული რეფორმირება აქვს გადაწყვეტილი. “ბარსასთვის” ლონდონელთა ინტერესი, ნდომბელეს დამატების მხრივ, სასარგებლოც შეიძლება აღმოჩნდეს. ფრანგ ნახევარმცველს ჟოზე საკმაოდ პასიურად იყენებს და ის ლონდონური კლუბის დატოვების ერთ-ერთ კანდიდატად ითვლება.