ესპანეთის ეროვნული ნაკრების მთავარმა მწვრთნელმა, ვისენტე დელ ბოსკემ თავისი აზრი გამოთქვა 16 აპრილს გასამართი ”კლასიკოს” შესახებ, რომელიც ესპანეთის ჩემპიონატის ფარგლებში, ”სანტიაგო ბერნაბეუზე” გაიმართება, გვამცნობს marca.
დელ ბოსკე არ ფიქრობს, რომ ამ მატჩში შეიძლება მოხდეს იმდაგვარი რამ, რაც 29 ნოემბერს, ”ნოუ კამპზე” მოხდა. შეგახსენებთ, რომ მაშინ ”ბარსელონამ” მადრიდის ”რეალი” 5:0 დაამარცხა.
”მე არ ვფიქრობ, რომ ამ თამაშში განმეორდება ანგარიში 5:0. რაც შეეხება გუნდების სათამაშო სტილს, ”ბარსელონას” ბურთის დიდხანს და აუჩქარებლად კონტროლი უყვარს, მაშინ როცა ”რეალი” აქცენტს სწრაფ თამაშზე აკეთებს და ის ამით რისკავს. ოთხი ესპანური ”კლასიკო” ეს საფეხბურთო ზეიმია” – განაცხადა დელ ბოსკემ.