დღეს “ვილიარეალის” და “ბარსელონას” დაპირისპირებათა დღეა. სეგუნდა დივიზიონში შედგა დუბლიორი გუნდების თამაში, ეს ერთგვარი გენერალური რეპეტიცია იყო დიდი გუნდების დაპირისპირების წინ. ძალიან დაძაბული და საინტერესო მატჩი შედგა “ვილიარეალ ბ” – სა და “ბარსელონა ბ” – ს შორის. კატალონიელებმა დრამატულ ბრძოლაში 3:2 იმარჯვეს მეტოქის სტადიონზე.
პირველ ტაიმი კატალონიელთათვის არასასურველად დასრულდა. ლუის ენრიკეს შეგირდებმა პირველ ტაიმი დათმეს 2:1. დუბლი პერესმა შეასრულა, ერთადერთი გოლი პირველ 45 წუთში კი ჯონათან სორიანოს ანგარიშზეა.
შესვენებაზე ლუის ენრიკემ ფეხბურთელები კარგად დაგეშა მეორე და გადამწყვეტი 45 წუთისათვის. 8 წუთის ინტერვალში გავიდა ორი ბურთი, მე–60 წუთზე თავი სანჩესმა იჩინა, ხოლო გადამწყვეტი 3 ქულის მომტანი ბურთი მატჩის 68 – ე წუთზე გავიდა, ბურთი მეტოქის კარის ბადეში ბერხონმა შეაგორა.
“ბარსელონამ” უმნიშვნელოვანესი და ურთულესი გამარჯვება მოიპოვა. აღსანიშნავია ისიც, რომ რამდენიმე წამყვანი ფეხბურთელი “ბარსელონა ბ” – სი პირველ გუნდში გამოიძახა პეპ გვარდიოლამ.
გენერალური რეპეტიცია შედგა, “ბარსელონას” მეორე გუნდმა “ვილიარეალის” სარეზერვო გუნდი დაამარცხა, ჯერი დიდებზეა…
