გონსალო გედეში: ვეცდებით, “ბარსელონას” სუსტი მხარეებით ვისარგებლოთ

სამ დღეში, “ბარსელონა” ესპანეთის თასის ფინალში “ვალენსიას” დაუპირისპირდება. “ღამურების” პორტუგალიელი ფორვარდი, გონსალო გედეში, მოახლოებულ მატჩზე საუბრობს. 

“ფინალის წინ თავს კარგად ვგრძნობთ. მთელი წლის განმავლობაში, მეოთხე ადგილისთვის ვიბრძოდით და ამას ბოლოს მივაღწიეთ. ეს შესანიშნავია. 

არა მგონია, “ბარსელონა” ჩემპიონთა ლიგაზე განცდილი მარცხის გამო სუსტი იყოს. ეს გუნდი მსოფლიოში ერთ-ერთი ყველაზე ძლიერია და უამრავ ტიტულს კიდევ ერთის მიმატება ნამდვილად ენდომებათ. თანაც, ამისთვის საჭირო რესურსი აქვთ – ფეხბურთელების და სამწვრთნელო შტაბის სახით. 

დარწმუნებული ვარ, “ბარსა” ბურთს გააკონტროლებს და მაღალ პრესინგს ითამაშებს. თუ ამას გავუმკლავდებით, სივრცეების პოვნას და მათ გამოყენებას მოვახერხებთ. ვნახოთ, რა მოხდება. ყველა თამაში განსხვავებულია, განსაკუთრებით, როცა ეს ფინალია. დარჩენილ დროში, მეტოქის თვისებებს კიდევ უფრო კარგად შევისწავლით და ვეცდებით, მათი სისუსტეები – რომელიც ბევრი ნამდვილად არ არის – გამოვიყენოთ”. – ციტირებს გედეშის სიტყვებს Marca.