“ბარსელონას” ექს-მოთამაშემ კარიერა გულის პრობლემების გამო დაასრულა

34 წლის ესპანელმა მოთამაშემ, ანდრეა ორლანდიმ, კარიერა გულთან დაკავშირებული პრობლემების გამო, იძულებით დაასრულა. იტყობინება, Goal. 

“ამ მომენტისთვის ფეხბურთის თამაში უსაფრთხო აღარაა. ძალიან განცვიფრებული დავრჩი, როდესაც ექიმმა ეს ამბავი შემატყობინა. ამ ამბავს უკვე შევეგუე, ექიმებმა კი დროულად მიშველეს. 

მე შემიძლია ოპერაციის გაკეთება და თამაშის გაგრძელება, თუმცა 34 წლის ასაკში გარისკვა არც თუ ისე კარგი ნაბიჯია.” – განაცხადა, ორლანდიმ. 

ორლანდი “ბარსელონას” საკუთრება 2005-2007 წლებში გახლდათ, ესპანელი ძირითადად “ბარსელონა ბ”-ში ასპარეზობდა, თუმცა 2005/2006 წლების სეზონში პირველ გუნდში ერთადერთი ოფიციალური შეხვედრაც ჩაატარა.