ტანგი ნდომბელეს ღირებულება 80 მილიონი ევროა და ეს ინფორმაცია არცერთ სპორტულ გამოცემას არ ეკუთვნის: “ლიონის” ფეხბურთელის აგენტმა მისი კლიენტის ფასი თავად დაასახელა, როცა ნდომბელეს მიმართ ევროპული კლუბების, კერძოდ კი, “ნაპოლის” ინტერესზე საუბრობდა.
დურო ივანიშევიჩის თქმით, ფრანგი ნახევარმცველი იანვარში კლუბის დატოვებას არ აპირებს, მაგრამ სეზონის დასრულების შემდეგ წინადადებებზე სერიოზულად დაფიქრდება და ისეთი ჩემპიონატიდან შემოთავაზებებს, როგორიცაა სერია A, ნამდვილად განიხილავს. აგენტის თქმით, დაინტერესებულმა კლუბმა 80 მილიონი უნდა გადაიხადოს, თუმცა შევაჭრებაც მისაღები იქნება.
“ბარსელონასთვის” ნდომბელე ერთ-ერთ მთავარი სატრანსფერო სამიზნეა. Sport-ის ცნობით, სპორტულმა დირექტორმა, ერიკ აბიდალმა “ლიონის” წარმომადგენლებს კატალონიელების ინტერესის შესახებ უკვე აცნობა.
ხო თქვა ტიპმა ვაჭრობა მოსულაო