კატალონიური სპორტული გამოცემის, “სპორტის” ვებ–საიტის ცნობით, კატალონიის “ბარსელონასა” და საფრანგეთის ეროვნული ნაკრების მცველ ერიკ აბიდალს ოპერაცია უკვე ჩაუტარდა.
ფრანგის ოპერაციამ სამ საათს გასტანა და ყოველგვარი ინციდენტების გარეშე ჩაიარა. ოპერაციას ექიმი ხოსეპ ფუსტერი ატარებდა. კლუბი კი თავად ფეხბურთელის თხოვნით, კონფიდენციალურობას იცავს. ფრანგს კლინიკიდან ერთ კვირაში გაწერენ.