ვიქტორ ვალდესის ინტერვიუ

“ბარსელონას” პირველმა ნომერმა ინტერვიუ მისცა “Canal + Sweden”–ს, “BBC”–სა და “Al Jazeera”–ს.ვალდესმა ისაუბრა საკუთარ მოტივაცებზე: “არ არის ადვილი გახდე კარგი მეკარე, ამას თავდაუზოგავი შრომა და ენერგია სჭირდება. მე დაუღალავად ვვარჯიშობ ყოველდღე, რათა შევიძინო მეტი გამოცდილება და ყველაფერი ეს ჩვენი ბოსის, ხოსეპ გვარდიოლას დამსახურებაა. უნდა დავაფასო ყველაფერი, რაც გამაჩნია: კლუბი, საცხოვრებელი, ოჯახი. სწორედ ამიტომ, ვცდილობ გავაკეთო მეტი, რათა ყველაფერი ეს ბედნიერ წარსულთან და მოგონებებთან ასოცირდებოდეს. მე უამრავი ტიტულის მოგება ვიზეიმე ჩვენს ფანებთან ერთად და ეს მხოლოდ შრომის დამსახურებაა. ეს ყველაფერი კი ჩემი და კლუბის მოტივაციაა”.

“მე არ ვეთანხმები იმ აზრს, რომ ლა ლიგა არაკონკურენტუნარიანი ჩემპიონატია. აქ უდიდესი კლუბები ასპარეზობენ, პროფესიონალი ფეხბურთელებით. ყოველ წელს, თითოეული გუნდი, უფრო და უფრო ძლიერდება, იხვეწება. ფეხბურთი თანდათან ვითარდება და კლუბებიც ინტენსიურ ფეხბურთს თამაშობენ”.განაცხადა ვალდესმა.

“აუცილებლად მოვა დრო, როდესაც იქნება ახალი გამოწვევები. მე არ შემიძლია საკუთარი თავის ხილვა სხვა კლუბის მაისურში. ვიცი რაც მიყვარს და კარგად მესმის, რომ მოვა დრო, როდესაც მომიწევს ახალი გამოწვევები მივიღო . მე უნდა შევიცნო ახალი საფეხბურთო და კულტურული ფორმები”.

ვიქტორი შეეხო თავის საერთაშორისო როლსაც: “უდიდესი გამოცდილება შევიძინე ესპანეთის ეროვნულ ნაკრებში, მიუხედავად იმისა, რომ არ ვარ მთავარი მეკარე. დიდ მადლობას ვუხდი ვისენტე დელ ბოსკეს, რომელმაც შემიყვანა იმ ფეხბურთელების რიცხვში, რომლებიც ასპარეზობდნენ 2010 წლის მუნდიალზე. ყველა მოთამაშე მზად იყო ყველაფერი გაეღოთ ეროვნული ნაკრებისთვის და მე თავს ამ გუნდის სრულფასოვან წევრად ვთვლიდი”. განაცხადა ესპანეთის ეროვნული ნაკრებისა და “ბლაუგრანას” კარის დარაჯმა.