რამდენიმე დღის წინ, ნეიმარმა “ბარსელონა” დატოვა, რაც გუნდს შეტევის მარცხენა ფლანგზე სერიოზულ პრობლემას უქმნის. კატალონიელები ბრაზილიელის შემცვლელს ეძებენ.
ვაკანტური ადგილის დაკავების ერთ-ერთი კანდიდატი “ბორუსიას” ახალგაზრდა შემტევი, უსმან დემბელეა. გერმანული გუნდის ხელმძღვანელობა ფორვარდის გაშვების წინააღმდეგია, ვინაიდან, ასეთ შემთხვევაში მათაც მოუწევთ თავდასხმის გაძლიერებაზე ფიქრი.
AS-ის ინფორმაციით, “ბლაუგრანამ” “ბორუსიას” დემბელეს სანაცვლოდ სოლიდური თანხა და ჟერარ დეულოფეუ უკვე შესთავაზა. ესპანელ ფორვარდს გერმანული კლუბის შემადგენლობაში უსმანის შეცვლა თავისუფლად შეუძლია, რადგან მოედანზე მათი ფუნქციები მსგავსია.


