“ბარსელონას” ოფიციალურ ვებგვერდზე ცოტა ხნის წინ გამოქვეყნებული განცხადების თანახმად, კლუბმა საკალათბურთო გუნდის მთავარი მწვრთნელი გეორგიოს ბარცოკასი დაითხოვა.
ბერძენი სპეციალისტი კატალონიურ გუნდში ერთი წლის წინ მივიდა, დღეს კი მას აცნობეს, რომ “ბარსელონა” მასთან თანამშრომლობას წყვეტს. ამის მიზეზი არადამაკმაყოფილებელი შედეგია.
“ბარსელონა ლასა”, ესპანეთის ჩემპიონატს ფლეი ოფის პირველივე ეტაპზე გამოეთიშა, ევროლიგაზე კი, კატალონიელები რეგულარულ სეზონს დასჯერდნენ.
