ესპანური პრესა იტყობინება, რომ “ბარსელონა” “ვალენსიას” ნახევარმცველით, კარლოს სოლერით ინტერესდება.
გავრცელებული ინფორმაციის თანახმად, “ლურჯ-ბროწეულისფრები” 20 წლის ფეხბურთელის გაფორმების ვარიანტს განიხილავენ. მიუხედავად იმისა, რომ სოლერის კონტრაქტის გამოსასყიდი თანხა 80 მილიონ ევროს შეადგენს, კატალონიური გრანდი ფასის ბევრად შემცირებაზე იმედს ამყარებს.
მიმდინარე სეზონში, “ვალენსიას” მაისურით ჩატარებულ 34 მატჩში სოლერმა 4 გოლი გაიტანა და 1 შედეგიანი გადაცემა გააკეთა.
