“ატლეტიკის” პრეზიდენტმა, ხოსუ ურუტიამ განაცხადა, რომ “ბარსელონას” ხელმძღვანელობა ბასკურ კლუბს ერნესტო ვალვერდეს “კამპ ნოუზე” გადაბარგების საკითხზე არ დაკავშირებია.
“თუ მედიას დავუჯერებთ, “ბარსელონასთან” მოლაპარაკება ვაწარმოეთ, მაგრამ რეალურად, კატალონიურ კლუბს ამ საკითხზე ჩვენთან კონტაქტი არ ჰქონია. მივიჩნევ, რომ ეს მიზანშეწონილი არ იქნება, რადგან ვალვერდე “ატლეტიკისთვის” საუკეთესო სპეციალისტია.“-ციტირებს ურუტიას სიტყვებს Mundo Deportivo.
ახლო წარსულში, “ევერტონის” თავკაცმა, რონალდ კუმანმა “ბარსელონას” გაწვრთნის სურვილი გამოთქვა.
