როგორც ცნობილი გახდა, “ბარსელონასა” და “ბილბაოს” შორის ესპანეთის თასის 1/8-ფინალის განმეორებით მატჩში 32 წლის ესპანელი ხესუს მანსანო იმსაჯებს.
ბოლოს მანსანომ “ბარსელონას” თამაში 27 ნოემბერს “სოსიედადის” წინააღმდეგ განსაჯა. შეხვედრა ფრედ, 1:1 დასრულდა.
მანსანოს “ბარსელონას” მატჩებში 7-ჯერ უმსაჯია. აქედან კატალონიელებმა 4-ჯერ მოიგეს, 2-ჯერ დამარცხდნენ, ერთხელ კი ფრე ითამაშეს.
მანსანომ კატალონიური გრანდის სასარგებლოდ თერთმეტმეტრიანი 3-ჯერ დანიშნა, საწინააღმდეგოდ კი – 2-ჯერ. გარდა ამისა, 32 წლის სპეციალისტს “ბარსას” ფეხბურთელი ერთხელ ჰყავს გაძევებული, ამდენჯერვე კი მეტოქე გუნდის მოთამაშე.
აქვე დავძენთ, რომ “ბილბაომ”, მანსანოს მსაჯობით, 10 მატჩიდან 8 მოიგო.
