მსოფლიოს საკლუბო ჩემპიონატის ფინალში, მადრიდის “რეალმა” “კაშიმა ანტლერსი” დაამარცხა (4:2 დამატებით დროში). შეხვედრა იოკოჰამაში, სტადიონ “ნისანზე” გაიმართა.
სამეფო კლუბმა რიგით 21-ე საერთაშორისო ტიტული მოიგო თავისი არსებობის ისტორიაში და ამ მაჩვენებლით რეკორდი დაამყარა.
მადრიდელებმა ყველაზე პრინციპული მეტოქე, კატალონიის “ბარსელონა” ჩამოიტოვეს. “ლურჯ-ბროწეულისფერთა” ანგარიშზე 20 საერთაშორისო ტიტულია.