დელ ბოსკემ ნაკრებში „ბარსელონას“ 5 ფეხბურთელს უხმო

ესპანეთის ეროვნული ნაკრების მთავარმა მწვრთნელმა, ვისენტე დელ ბოსკემ, ამხანაგური მატჩებისთვის რჩეულ ფეხბურთელებს უხმო.

ესპანეთის ეროვნული ნაკრები 24 მარტს იტალიის ეროვნულ ნაკრებს დაუპირისპირდება, ხოლო 27 მარტს – რუმინეთს.

“ფურია როხა”, დელ ბოსკეს გადაწყვეტილებით, დიეგო კოშტას გარეშე გამართავს მომდევნო ორ ამხანაგურ მატჩს, თუმცა მის ნაცვლად ესპანელმა სპეციალისტმა “ატლეტიკის” 35 წლის ფეხბურთელს, არიც ადურისს უხმო. გარდა ამისა, ნაკრებში მოხვდა “ბარსელონას” ახალგაზრდა უნივერსალი სერჟი რობერტო.

მეკარეები: იკერ კასილიასი (“პორტუ”), დავიდ დე ხეა (“მანჩესტერ იუნაიტედი”), სერხიო რიკო (“სევილია”);

მცველები: ხუანფრანი (“ატლეტიკო”), მარიო გასპარი (“ვილიარეალი”), ნაჩო ფერნანდესი (“რეალი”), ხერარდ პიკე, მარკ ბარტრა, ხორდი ალბა (სამივე “ბარსელონა”), სესარ ასპილიკუეტა (“ჩელსი”);

ნახევარმცველები: მიკელ სან ხოსე (“ატლეტიკი”), სერხიო ბუსკეტსი, სერჟი რობერტო (ორივე “ბარსელონა”), სესკ ფაბრეგასი, პედრო (ორივე “ჩელსი”), კოკე (“ატლეტიკო”), ტიაგო (“ბაიერნი”), ისკო (“რეალი”), ხუან მატა (“მანჩესტერ იუნაიტედი”), დავიდ სილვა (“მანჩესტერ სიტი”);

თავდამსხმელები: ნოლიტო (“სელტა”), პაკო ალკასარი (“ვალენსია”), ალვარო მორატა (“იუვენტუსი”), არიც ადურისი (“ატლეტიკი”).