20 ნოემბერს უეფას ერთა ლიგის 2026/27 წლების სეზონის მეოთხედფინალების წილისყრა გაიმართა, რომლის შედეგადაც “ბარსელონას” ფეხბურთელებს სანაკრებო დონეზე ერთმანეთის წინააღმდეგ თამაში მოუწევთ.
მეოთხედფინალში ორი ისეთი წყვილი შედგა, რომლებშიც კატალონიური კლუბის წარმომადგენლები ერთმანეთს დაუპირისპირდებიან.
ერთ-ერთი ყველაზე საინტერესო დაპირისპირება ესპანეთსა და საფრანგეთს შორის გაიმართება. ესპანეთის ნაკრებში “ბარსელონას” არაერთი ფეხბურთელი თამაშობს, მათ შორის ლამინ იამალი, პედრი, პაუ კუბარსი, ფერმინ ლოპესი და ჟოან გარსია. მათი მეტოქე საფრანგეთის ეროვნული გუნდი იქნება, რომლის ღირსებასაც ჟიულ კუნდე იცავს.
მეორე ასეთ წყვილში ერთმანეთს ნიდერლანდები და პორტუგალია შეხვდებიან. ფრენკი დე იონგს ჟოაუ კანსელუს წინააღმდეგ თამაში მოუწევს. შესაბამისად, მეოთხედფინალის ამ ორ დაპირისპირებაში “ბარსელონას” ფეხბურთელების მონაწილეობა ორივე მხარესაა მოსალოდნელი.
რაც შეეხება დანარჩენ წყვილებს, ენტონი გორდონის ინგლისის ნაკრები ნორვეგიას დაუპირისპირდება, ხოლო ბელგია გერმანიას შეხვდება.
წილისყრის შედეგად ნახევარფინალური წყვილების შესაძლო შემადგენლობაც გაირკვა. ესპანეთსა და საფრანგეთს შორის გამარჯვებული ნიდერლანდებისა და პორტუგალიის წყვილის გამარჯვებულს შეხვდება. ამგვარად, “ბარსელონას” წარმომადგენლებს ფინალში გასვლის კარგი შანსი აქვთ.
მეოთხედფინალური შეხვედრები ორ მატჩად გაიმართება. პირველი მატჩები 2027 წლის 25-27 მარტს ჩატარდება, საპასუხო შეხვედრები კი 28-30 მარტს. განთესილი ნაკრებები მეორე მატჩებს საკუთარ მოედანზე გამართავენ.
ერთა ლიგის ფინალური ეტაპი 2027 წლის 9-13 ივნისს არის დაგეგმილი. ნახევარფინალები 9 და 10 ივნისს გაიმართება, ხოლო მესამე ადგილისთვის მატჩი და ფინალი 13 ივნისს ჩატარდება.




forum კომენტარები (0)