მთავარ შიგთავსზე გადასვლა
ჩაერთე პროგნოზების ლიგაში და გამოიცანი მატჩების შედეგები! ითამაშე პროგნოზების ლიგა! თამაში
ვილიარეალი – რთული მეტოქე

ვილიარეალი – რთული მეტოქე

მატჩის დრო: 22 ნოემბერი, 17:00
მოკლედ
22 ნოემბერს "ბარსელონა" "ვილიარეალს" უმასპინძლებს, რომელთანაც ბოლო წლებში არასახარბიელო შედეგები აქვს. კატალონიელებმა ამ მეტოქესთან ბოლო 5 საშინაო მატჩიდან 3 წააგეს, თუმცა სტუმრებიც შეხვედრას არასტაბილური ფორმით ხვდებიან.

22 ნოემბერს “ბარსელონა” სანაკრებო პაუზის შემდეგ პირველ მატჩს ჩაატარებს. კატალონიელები ლა ლიგის მე-13 ტურში “ვილიარეალს” “სპოტიფაი კამპ ნოუზე” უმასპინძლებენ.

ბოლო წლებში “ვილიარეალი” კატალონიელებისთვის განსაკუთრებით რთულ მეტოქედ იქცა. გუნდმა ამ მოწინააღმდეგესთან ბოლო 5 შეხვედრიდან 2 წააგო. შედარებისთვის, მანამდე ჩატარებულ 29 მატჩში “ბარსელონას” მხოლოდ ერთი მარცხი ჰქონდა – 22 გამარჯვებისა და 6 ფრის ფონზე.

კიდევ უფრო საყურადღებოა საშინაო მატჩების სტატისტიკა. “ბარსელონამ” “ვილიარეალთან” საკუთარ მოედანზე გამართული ბოლო 5 შეხვედრიდან 3 წააგო. 2021/22 წლების სეზონიდან მოყოლებული, ლა ლიგაში კატალონიელთა სტადიონზე ამდენი გამარჯვება მხოლოდ “ვილიარეალმა” და “რეალ მადრიდმა” მოიპოვეს.

თუმცა მომავალი შეხვედრის წინ პრობლემები თავად “ვილიარეალსაც” აქვს. კასტელონის წარმომადგენლები სეზონს არასტაბილურად ატარებენ და ზაფხულში განხორციელებულმა სამწვრთნელო ცვლილებამ ჯერჯერობით სასურველი შედეგი ვერ გამოიღო.

ინიგო პერესის ხელმძღვანელობით “ვილიარეალი” ლა ლიგის სატურნირო ცხრილში მე-8 ადგილს იკავებს, ჩემპიონთა ლიგის საერთო ეტაპზე კი 28-ე პოზიციაზეა.

გუნდს არც სტუმრად აქვს დამაჯერებელი შედეგები. მიმდინარე სეზონში ლა ლიგის ეგიდით ჩატარებული 8 გასვლითი შეხვედრიდან “ვილიარეალმა” მხოლოდ 2 მოიგო.

ამრიგად, მიუხედავად იმისა, რომ ბოლო წლებში “ვილიარეალთან” დაპირისპირება “ბარსელონასთვის” საკმაოდ რთულია, ჰანსი ფლიკის გუნდს მეტოქის არასტაბილური ფორმის გამოყენებისა და საშინაო შეხვედრაში სამი ქულის მოპოვების კარგი შესაძლებლობა ექნება.

ითამაშე პროგნოზების ლიგა!

გამოიცანი ბარსელონას მატჩების შედეგები, დააგროვე ქულები და გახდი საუკეთესო პროგნოზისტი.

თამაში

კომენტარები (4)

დატოვე კომენტარი

  • joy
    joy გულშემატკივარი
    schedule 19 ნოე 2026, 20:58

    საშიშია ვილიარეალი, განსაკუთრებით მიქაუტაძე! რაც მაგან გოლები გაიტანა ნაკრებში ამ ბოლო ხუთ თამაშში😂 ბედი ჩვენი რომ მექვაბიშვილი ანზორაც ვილიარეალში არაა თორემ შანსი არ გვექნებოდა მაგ დუეტის წინააღმდეგ 🤦

  • ALBATROSS
    ALBATROSS ახალბედა
    schedule 19 ნოე 2026, 19:26

    ეს oussame ვინ არის ტიკ ტოკზე ვნახე ბარაელონას სასტავში იამალს გავს ან ნეიმარს😉😃😃 ვერ ვნახე ვერსად არადა ბევრი გამომწერი ყავს და გუგლეში არაგდებს

  • nika 54
    nika 54 ლეგენდა
    schedule 19 ნოე 2026, 17:49

    ნუ ძაბავ ადმინ, მოვიგებთ.