გერმანიის ნაკრების მთავარი მწვრთნელი იურგენ კლოპი მარკ-ანდრე ტერ შტეგენს სრულ ნდობას უცხადებს. სპეციალისტმა დაადასტურა, რომ 34 წლის მეკარე 13 ნოემბერს სერბეთისა და 16 ნოემბერს ნიდერლანდების წინააღმდეგ ერთა ლიგის მატჩებში გუნდის პირველი ნომერი იქნება.
ტერ შტეგენი, რომელიც “ბარსელონას” ეკუთვნის და სეზონის ბოლომდე იჯარით “აიაქსში” თამაშობს, ამსტერდამულ კლუბში კარგ ფორმაშია. კლოპმა მისი თამაში დადებითად შეაფასა და აღნიშნა, რომ მეკარის არჩევისას გადამწყვეტი მნიშვნელობა გამოცდილებას ენიჭება.
“მარკი ამსტერდამში ფანტასტიკურ სეზონს ატარებს. საბედნიეროდ, ურბიგიც და ნიუბელიც ძალიან კარგად თამაშობენ. ამ მატჩებს მარკთან ერთად, როგორც ჩვენს პირველ ნომერთან, შევხვდებით”, – განაცხადა კლოპმა.
გერმანიის ნაკრების მთავარმა მწვრთნელმა განმარტა, რატომ ანიჭებს უპირატესობას ტერ შტეგენს სხვა მეკარეებთან შედარებით.
“საქმე მხოლოდ ის არ არის, კონკრეტულ მომენტში ვინ უკეთ იგერიებს დარტყმებს. მეკარეებმა, უპირველეს ყოვლისა, გუნდს სტაბილურობა და თავდაჯერება უნდა შესძინონ. მეკარის მთავარი მოვალეობა ისაა, რომ ბურთი კარში არ გაუშვას. ეს ყველაზე მნიშვნელოვანია. ამ მხრივ მარკს ყველაზე მეტი გამოცდილება აქვს და სწორედ ამიტომ ამ შეხვედრებში ის ჩვენი პირველი ნომერი იქნება”, – განმარტა გერმანელმა სპეციალისტმა.
მიმდინარე სეზონში ტერ შტეგენმა “აიაქსის” მაისურით ყველა ტურნირზე 15 მატჩი ჩაატარა, 20 გოლი გაუშვა და კარი მშრალად ოთხჯერ შეინახა.
ნაკრების წინა შეკრებაზე მან მხოლოდ ნიდერლანდებთან ფრედ, 1-1 დასრულებულ შეხვედრაში ითამაშა. ახლა კი შესაძლებლობა ექნება, გერმანიის ნაკრების ძირითად შემადგენლობაში ადგილი კიდევ უფრო გაიმყაროს.
აღსანიშნავია, რომ გერმანიის ნაკრების ამჟამინდელ განაცხადში “ბარსელონას” შემტევი კარიმ ადეიემი ვერ მოხვდა. ფეხბურთელი კლოპის პირველ შეკრებაზე გამოძახებული იყო, თუმცა ამჯერად მწვრთნელმა მისი კანდიდატურა აღარ შეარჩია.
დაერხა გერმანიის ნაკრებს თუ ტერ შტეგენის იმედზე არიან.
დიდი ვერაფერი კვალი დატოვა ბარსაში ერთადერთი რაც მახსენდება ლევის რომ აუღო ეგ მომენტია სხვა ისეთი არაფერი ვალდესი მირჩევნია შედარებით სტაბილური იყო