ჰანსი ფლიკმა “რეალ მადრიდთან” დღეს გასამართი პრინციპული დაპირისპირებისთვის 23-კაციანი სამატჩო განაცხადი ოფიციალურად გამოაქვეყნა. გერმანელმა დამრიგებელმა სიაში პირველი გუნდის ყველა ჯანმრთელი ფეხბურთელი შეიყვანა, ლაზარეთში არსებული ვითარების გამო კი შემადგენლობა სარეზერვო გუნდის მოთამაშეებით შეავსო.
ახალგაზრდების დებიუტი ლა ლიგის განაცხადში
სამატჩო განაცხადის მთავარი სიახლე “ბარსა ატლეტიკის” ორი ფეხბურთელის გამოძახებაა: ალექს კამპოსი და ორიან გორენი ლა ლიგის განაცხადში პირველად მოხვდნენ, თანაც პირდაპირ ელ კლასიკოში. აღსანიშნავია, რომ კამპოსი პარიზში, ჩემპიონთა ლიგაზე პსჟ-ს წინააღმდეგ გამართული შეხვედრის განაცხადშიც იმყოფებოდა.
სრული 23-კაციანი განაცხადი
“რეალ მადრიდის” წინააღმდეგ გასამართ მატჩში “ბარსელონას” განკარგულებაში შემდეგი ფეხბურთელები იქნებიან:
- მეკარეები: ჟოან გარსია, ვოიცეხ შჩესნი, დომინიკ ლივაკოვიჩი.
- მცველები: ჟოაუ კანსელო, ალეხანდრო ბალდე, პაუ კუბარსი, ჩავი ესპარტი, ჟერარ მარტინი, ალექს კამპოსი.
- ნახევარმცველები: ბრიან ფარინიასი, გავი, ფერმინ ლოპესი, პედრი, როდრი, ფრენკი დე იონგი, მარკ ბერნალი, ორიან გორენი.
- თავდამსხმელები: გაბრიელ ჟეზუსი, ლამინ იამალი, რაფინია, კარიმ ადეიემი, ენტონი გორდონი, ჰამზა აბდელკარიმი.
დანაკლისი და 9-ქულიანი უპირატესობის შანსი
ტრავმების გამო დღევანდელ შეხვედრას ხუთი ფეხბურთელი გამოტოვებს: ერიკ გარსია, ჟიულ კუნდე, დანი ოლმო, ანდრეას კრისტენსენი და რუნი ბარდჯი.
ეს მიმდინარე სეზონის პირველი ელ კლასიკოა. როგორც ჰანსი ფლიკმა წინასამატჩო პრესკონფერენციაზე განაცხადა, “ეს არის ერთ-ერთი საუკეთესო შეხვედრა, რისი შეთავაზებაც ამ სპორტს შეუძლია”. “ბარსელონას” შანსი აქვს, გამარჯვების შემთხვევაში ჟოზე მოურინიოს გუნდთან უპირატესობა 9 ქულამდე გაზარდოს და სატურნირო ცხრილში ერთპიროვნული ლიდერობა კიდევ უფრო გაიმყაროს.
მიდი რაფა ფორმა უნდა დაიიბრუნო დღეს
უნდა მოიგო ფლიკ. სხვა შედეგი არ არსებობს