“ელჩესა” და “ბარსელონას” შორის მატჩის დაწყებამდე პოლიციამ ბლაუგრანას გულშემატკივარი დააკავა. უსაფრთხოების ძალებმა მას ესტელადა (კატალონიის დამოუკიდებლობის დროშა) ჩამოართვეს და შემდეგ რამდენჯერმე ფიზიკურად გაუსწორდნენ. გავრცელებულ განცხადებაში “ბარსელონამ” “კლუბის წევრებისა და გულშემატკივრების წინააღმდეგ ძალის არაპროპორციული გამოყენება” დაგმო.
მხარდაჭერა დაკავებულს
საფეხბურთო კლუბი “ბარსელონა” ახალგაზრდა ქომაგის დაკავებას ასევე “არაპროპორციულად” და “შეუსაბამოდ” აფასებს. “ბარსელონა” დაკავებულ გულშემატკივარსა და მის ოჯახს უკვე დაუკავშირდა, რათა მათთვის ნებისმიერი საჭირო დახმარება შეეთავაზებინა.
გამოხატვის თავისუფლების ლეგიტიმაცია
მეორე მხრივ, “ბარსელონა” წუხს, რომ “პოლიციის თანამშრომლებმა ბლაუგრანას გულშემატკივრებს კიდევ ერთხელ ჩამოართვეს ესტელადები”. კლუბი დეტალურად განმარტავს, რომ აღნიშნული დროშა “კანონიერი სიმბოლოა და მისი გამოფენა გამოხატვის თავისუფლების ლეგიტიმურ გამოვლინებას წარმოადგენს; ის თავისთავად არ შეიძლება ჩაითვალოს სიძულვილის ან ძალადობის წაქეზებად”.
განცხადების დასასრულს კლუბი მომხდარზე პასუხებსა და შესაბამის რეაგირებას ითხოვს:
“ბარსელონა” ელოდება შესაბამის განმარტებებს მომხდარ ფაქტებზე და იტოვებს უფლებას, მიმართოს მისთვის მისაღებ ნებისმიერ ზომას, რათა დაიცვას თავისი წევრებისა და გულშემატკივრების უსაფრთხოება, უფლებები და გამოხატვის თავისუფლება, როგორც “სპოტიფაი კამპ ნოუზე”, ისე მეტოქე გუნდების სტადიონებზე.
როგორ უყვართ კატალონიელები. ესპანელს დროშის გამო ,,დუბინკას” არ ჩასცხებდნენ.
აზრზე ხარ?.. ისე იქ მდგომებს ასე უნდა ეყურებინათ? რამე დააშავა ამ ბიჭმა?
არაფერი გეცნობათ?