“ბარსელონა” ხვალ, თბილისის დროით 23:30 საათზე, “მარტინეს ვალეროს” სტადიონზე “ელჩეს” წინააღმდეგ “მამბას” ახალი ეკიპირებით ითამაშებს. ლა ლიგის პირველი ტურის ეს შეხვედრა Nike-ისა და კალათბურთის ლეგენდის, კობი ბრაიანტის ბრენდის ახალი კოლაბორაციის ოფიციალური დებიუტი იქნება. ფორმის პრეზენტაციასთან ერთად, მოსალოდნელია ჰანსი ფლიკის გუნდის რამდენიმე ახალწვეულის მოედანზე გამოჩენაც.
შავი და იასამნისფერი ფერები
ივლისში წარდგენილი ეს ფორმა 2026/27 წლების სეზონისთვის “ბარსელონას” მეორე ეკიპირება იქნება. ეს თანამშრომლობა გასული სეზონის წარმატებული კოლაბორაციის გაგრძელებაა, როდესაც კლუბმა ასევე გამოიყენა Nike-ისა და კობი ბრაიანტის მიერ ერთობლივად შექმნილი ოქროსფერი (Team Gold) სათადარიგო ფორმა.
ამ ახალ ვერსიაში ოქროსფერი შავმა და იასამნისფერმა ჩაანაცვლა, რაც მჭიდროდ არის დაკავშირებული კობი ბრაიანტის მეტსახელთან – “შავი მამბა”.
ტრადიციული ფერების გარეშე “მარტინეს ვალეროზე”
ეს ფერები სრულიად განსხვავდება იმისგან, რითაც “ბარსელონა” “ელჩესთან” ბოლო ვიზიტების დროს თამაშობდა. 2021/22 წლების სეზონის შემდეგ, კატალონიურ კლუბს “ელჩეს” წინააღმდეგ სტუმრად ტრადიციული ლურჯ-ბროწეულისფერი ფორმით არ უთამაშია.
გასულ, 2025/26 წლების სეზონში კატალონიელებმა “მარტინეს ვალეროზე” მესამე, ნარინჯისფერი ფორმით ითამაშეს და 3-1 გაიმარჯვეს (ლამინ იამალის, ფერან ტორესისა და რაშფორდის გოლებით). 2022/23 წლების სეზონში კი – კატალონიის დროშის ოთხი ზოლის მქონე ყვითელი ფორმით მოიპოვეს გამარჯვება ანგარიშით 4-0 (ლევანდოვსკის დუბლით, ანსუსა და ფერანის გოლებით).
ესთეტიკაზე მეტი
ის, რაც 2020 წელს ვერტმფრენის ჩამოვარდნისას ქალიშვილ ჯიჯისთან ერთად ტრაგიკულად დაღუპული ლოს-ანჯელეს ლეიკერსის ლეგენდარული მოთამაშის პატივსაცემად დაიწყო, ესთეტიკის ფარგლებს გასცდა და მყარ კომერციულ ურთიერთობად ჩამოყალიბდა. ახალი კოლაბორაცია ასევე წარმოადგენს კობისთან გაზიარებულ ისეთ ღირებულებებს, როგორიცაა მიზანდასახულობა, საკუთარი თავის მიმართ მომთხოვნელობა და კონკურენტუნარიანობა.
არსენალი მშვენივრად დაკომპლექტდა🏆