“მილანის” ახალი მწვრთნელის, რუბენ ამორიმის ამბიციური პროექტის განსახორციელებლად, რომელიც უკანა ხაზიდან თამაშის აშენებაზეა დაფუძნებული, გუნდს ამჟამინდელ შემადგენლობაში მყოფებზე მეტად ტექნიკური მცველები სჭირდება. ერთ-ერთი ვარიანტი ესპანეთიდან, კერძოდ კი “ბარსელონადან” მოდის, სადაც ჟერარ მარტინი თამაშობს. Goal-ის ცნობით, ის უკვე თვეებია, რაც “მილანის” დაკვირვების ქვეშ იმყოფება.
186 სანტიმეტრი სიმაღლე, ცაცია და “ლა მასიას” აღზრდილი – ჟერარ მარტინს ყველა მახასიათებელი აქვს, რომ ამორიმის ახალ “მილანში” მნიშვნელოვანი ფიგურა გახდეს. 2002 წელს დაბადებულ მცველს “როსონერი” ძალიან აფასებს.
El Nacional-ის ინფორმაციით, “მილანმა” “ბარსელონას” 20 მილიონი ევროს ოდენობის ოფიციალური შეთავაზება გაუკეთა, თუმცა კატალონიურ კლუბში ეს თანხა ეცოტავათ. როგორც ირკვევა, ბარსელონელები დაახლოებით 35 მილიონ ევროს ითხოვენ, თუმცა ამ თანხის შემცირების სივრცეც არსებობს – პოტენციურად, ბონუსებისა და მომავალი გაყიდვიდან მისაღები პროცენტის ხარჯზე.
გასულ სეზონში ლა ლიგაში ჩატარებული 30 მატჩის შემდეგ, ჟერარ მარტინს “ბარსელონაში” დარჩენა სურს. მიუხედავად ამისა, ფინანსური მიზეზების გამო, “ბარსელონას” ხელმძღვანელობამ მისი გაყიდვის შესაძლებლობა არ გამორიცხა.
ამას ხელი არ დაედოს მეორე ნახევარი ისეთი სეზონი დადო ტოპ მცველი გაიჩითა უნივერსალია და ჩვენი კაცია.
40 მილიონად შეუძლიათ გაასაღონ, მარტინში მაგარი ფულია.