ესპანეთის ლა ლიგამ პროფესიული საფეხბურთო კლუბების განახლებული სახელფასო ჭერი (LCPD) ოფიციალურად გამოაქვეყნა. მონაცემების მიხედვით, “ბარსელონას” სპორტული შემადგენლობის ხარჯვის ლიმიტი გასული ზამთრის სატრანსფერო ფანჯრის 432 მილიონიდან 582.769 მილიონ ევრომდე გაიზარდა.
ხარჯვის შესაძლებლობით პირველ ადგილზე კვლავ “რეალ მადრიდი” რჩება, რომლის ლიმიტი 761 მილიონიდან 832 მილიონ ევრომდე გაიზარდა.
მესამე პოზიციას მადრიდის “ატლეტიკო” იკავებს 361 მილიონი ევროთი (ზამთარში 336 მილიონი იყო). ყველაზე მძიმე ფინანსურ ვითარებაში კი “სევილიაა”, რომელსაც ხელფასებზე მხოლოდ 20 მილიონი ევროს გამოყოფა შეუძლია.
როგორ ითვლება სახელფასო ლიმიტი
სპორტული შემადგენლობის ღირებულების ლიმიტის (LCPD) გამოსათვლელად ლა ლიგა ითვალისწინებს კლუბის ბიუჯეტირებულ შემოსავლებს (აბონემენტები, ბილეთების გაყიდვა, კომერციული კონტრაქტები, სატელევიზიო უფლებები, ტრანსფერები და ევროტურნირების სავარაუდო შემოსავალი), რასაც აკლდება არასპორტული ხარჯები, ვალების მომსახურება და წინა სეზონებიდან გადმოყოლილი ზარალი. მიღებული ნაშთი განსაზღვრავს თანხას, რომლის დახარჯვაც კლუბს პირველი გუნდისა და აკადემიის ხელფასებსა და ამორტიზაციაზე შეუძლია.
თუ კლუბი ლიმიტს აჭარბებს, მას სატრანსფერო ბაზარზე შეზღუდვები უწესდება. აღნიშნული ზრდის წყალობით, “ბარსელონამ” გასულ ზაფხულს ბაზარზე სრული ნორმალიზებით ოპერირება შეძლო და 1:1 წესს დაუბრუნდა, რაც იმას ნიშნავს, რომ კლუბს გაყიდვებიდან მიღებული ყოველი ევროს სრულად დახარჯვის უფლება ჰქონდა.
დეპოლი რა *უჭუა მოკლეედ. ლევანას ფან*რის ღერად არ ღირს.
სევილიამ რა დააშავა ამისთანა, სირცხვილი არ არის? ტებასს სინდისი სულ არა აქვს.