“ბარსელონას” ვიცე–პრეზიდენტმა, ხოსეპ მარია ბართომეუმ ისაუბრა იმ გეგმის შესახებ, თუ როდის გაუგრძელებს კლუბი კონტრაქტს ერიკ აბიდალს.
“ჩვენ ახალი კონტრაქტი ერიკ აბიდალისთვის უკვე გამზადებული გვაქვს. როცა ის მოედანზე დაბრუნდება და ჩაატარებს პირველივე შეხვედრას ახალ ხელშეკრულებას ხელს მოვაწერთ” – განაცხადა ხოსეპ მარია ბართომეუმ.
შეგახსენებთ, რომ სამშაბათს ექიმებმა ერიკ აბიდალს ფეხბურთში დაბრუნების უფლება მისცეს. ის შეუდგა თანაგუნდელებთან ერთად ვარჯიშს. მოსალოდნელია, რომ მოედანზე ის იანვარში გამოჩნდება.
