როგორც იცით, სულ რამდენიმე კვირა დარჩა ჩემპიონთა ლიგის 2012/2013 წლების სეზონის დასაწყებად და კატალონიის “ბარსელონამ” ოფიციალური სურათი გადაიღო საშინაო ფორმებით “უეფასთვის”. გუნდმა ფოტო “სიუდად ესპორტივაზე” გადაიღო შუადღის ვარჯიშამდე. სესიაზე იმყოფებოდა ძირითადის 25 ფეხბურთელი და “ბარსა ბ”-ს ორი წარმომადგენელი: კრისტიან ტელიო და სერხი რობერტო. “ბარსელონას” ახალწველებისათვის, ხორდი ალბასთვის, მარკ ბარტრასთვის და ისააკ კუენკასთვის ეს გახლდათ პირველი ოფოციალური ფოტო. მარტინ მონტოია და ჯონათან დოს სანტოსი კი წინა წლის ფოტოზეც არიან ასახულნი.
ტიტო ვილანოვაც პირველად მოგვევლინა სურათში როგორც მთავარი მწვრთნელი. გასული 4 წლის მანძილზე იგი გვარდიოლას ასისტენტი იყო. ფოტოზე პირველად მოხვდნენ ასევე ტიტოს სამწვრთნელო შტაბის წევრები ხორდი როურა და ხოსე რამონ დე ლა ფუენტე.
“უეფა” ამ ფოტოს გამოიყენებს საკუთარ საიტზე მთელი წლის მანძილზე პროგრამებისა და მარკეტინგისთვის.
