“ბარსელონამ” მიიღო 1C ლიცენზია ქალაქის მერიისგან, რაც კლუბს საშუალებას აძლევს გახსნას “სპოტიფაი კამპ ნოუს” ჩრდილოეთის ტრიბუნა და მნიშვნელოვნად გაზარდოს სტადიონის ტევადობა. ეს ინფორმაცია ცოტა ხნის წინ კლუბმა თავად დაადასტურა.
ამ ნებართვის წყალობით, “ბლაუგრანას” სტადიონზე კვლავ ამოქმედდება ჩრდილოეთის ტრიბუნის პირველი და მეორე იარუსი. შედეგად, “სპოტიფაი კამპ ნოუს” ტევადობა მიმდინარე სეზონში არსებული 45 401 ადგილიდან 62 652-მდე გაიზრდება.
ახალი ტრიბუნის გახსნა დაგეგმილია “სევილიასთან” გასამართ მატჩამდე. კლუბი ასევე დაიწყებს დაახლოებით 14 000 ახალი აბონემენტის გაცემის პროცესს იმ წევრებისთვის, რომლებიც სწორედ ამ სექტორში დასხდომას აირჩევენ.
კლუბისთვის ეს სიახლე განსაკუთრებით მნიშვნელოვან მომენტში მოვიდა. სტადიონის გაფართოებული ტევადობა შესაძლოა გავლენასაც ახდენდეს “ბარსელონას” საპრეზიდენტო არჩევნებზე, რადგან უფრო მეტი წევრი შეძლებს მატჩზე დასწრებას და ამავდროულად არჩევნებში მონაწილეობას.
“ბარსელონა” ბოლო კვირების განმავლობაში ელოდა ამ ნებართვას, რადგან კლუბის მიზანი იყო “სპოტიფაი კამპ ნოუზე” ატმოსფეროს გაუმჯობესება და ცარიელი ადგილების მინიმუმამდე დაყვანა, სანამ სტადიონის სრული რეკონსტრუქცია დასრულდება.
ნეტა რამდენ წელიწადში დასრულდება საბოლოოდ.
ძაან მაგარია
62000 ბერნაბეუზე ბევრით მეტი კი არ არის.
კაია. დასრულებული კამპ ნოუს ნახვა მაინტერესებს, განსაკუთრებით გადახურვა. აი მერე როგორმე უნდა დავგაზო ბარსელონაში და რომელიმე თამაშს დავესწრო, ოცნება უნდა ავიხდინო. იმედია მანამდე უვიზო რეჟიმს არ გაგვიუქმებენ ,,კრასატულინკა" ქოცების გადამკიდე.