კატალონიური ”ბარსელონას” მთავარმა მწვრთნელმა, პეპ გვარდიოლამ სესკ ფაბრეგასის ტრავმის შესახებ კომენტარი გააკეთა.
”სესკი ჩვენ 3-4-3 ტაქტიკით თამაშისას გვეხმარება, რადგან ის მრავალფუნქციური ფეხბურთელია. ამ სქემით მის გარეშეც შეგვიძლია თამაში. ფაბრეგასი განსაკუთრებული ფეხბურთელია და სამწუხაროა, რომ ის გარკვეული დროით დავკარგეთ. ის სწრაფად შეეჩვია გუნდს და დაამტკიცა, რომ რამდენიმე პოზიციაზე შეუძლია თამაში”.
”იმედი გვაქვს, რომ ის 2-3 კვირის შემდეგ დაგვიბრუნდება. მთავარი ის არის, რომ ის სრულად უნდა განიკურნოს” – დაასრულა გვარდიოლამ.