ალბათ ყველა თქვენგანს სმენია სიტყვა “ჩავიესტას” შესახებ. ეს სიტყვა “ბარსელონას” ორი გამორჩეული ფეხბურთელის გვარების შერწყმის შედეგად მიიღება. ასე მაგალითად: ჩავი+ინიესტა= “ჩავიესტა”. ეს ორი ადამიანი თითქმის ყოველთვის ერთადაა მოედანზე, “ბარსელონაშიც” და ესპანეთის ნაკრებშიც, ამიტომაც მათ თითქოს ერთ მთლიანობად განიხილავენ. საფეხბურთო სამყაროში არსებობს სხვა ასეთი სახელიც, მაგალითად: “მესიდონა”. რომელი ორი ფეხბურთელის გვარია შერწყმული ამ სიტყვაში ძნელი გამოსაცნობი არაა. მახსოვს,რამდენიმე წლის წინ დეკოს და რონალდინიოს ტანდემს “დეკოდინიოდ” მოვიხსენიებდი ხოლმე.
ახლა კი შემოგთავაზებთ რამდენიმე ძალიან სახალისო ფოტოს. მათთვის სახელების შერჩევა თქვენთვის მომინდია. რომელი ორი ფეხბურთელია “შერწყმული” ამის მიხვედრა ძნელი არ არის, სახელის მოფიქრება კი თქვენზეა დამოკიდებული. ვნახოთ ვის უფრო მდიდარი ფანტაზია აქვს.
