გუშინ, ლა ლიგის მეოთხე ტურის ფარგლებში, “ბარსელონა” “მესტალიას” ეწვია და “ვალენსიას” დაუპირისპირდა. კატალონიელებმა სამი გოლი გაიტანეს, ვალენსიელებმა ერთი, მაგრამ თამაში მაინც ფრედ, 2:2 დასრულდა. საქმე ისაა, რომ “ლურჯ-ბროწეულისფრების” მხრიდან აბიდალმა “იყოჩაღა” და ბურთი საკუთარ კარში ჩაჭრა.
დანარჩენი ორი გოლი პედროსა და ფაბრეგასის ანგარიშზეა. ეს უკანასკნელი მსოფლიოს საუკეთესო გუნდს აგვისტოს შუა რიცხვებში შეუერთდა და გუნდის ერთ-ერთ გამოკვეთილ ლიდერად იქცა. გარდა იმ უდიდესი სამუშაოსა, რომელსაც სესკი მოედანზე სწევს, იგი ნამდვილ გოლეადორად ჩამოყალიბდა. პირემარას ოთხ შეხვედრაში ფაბრეგასმა ოთხი გოლის გატანა მოახერხა – თითო გოლი თითო თამაშში. აქამდე ნახევარმცველმა “ვილიარეალს”, “სოსიედადსა” და “ოსასუნას” გაუტანა. სწორედ ფაბრეგასის დამსახურებაა ის, რომ “ბარსელონამ” ვალენსიადან 1 ქულა წამოიღო.
სესკი ამჟამად პრიმერას ბომბარდირთა დავაში მეოთხე ადგილს ინაწილებს კასორლასა (“მალაგა”) და რონალდუსთან (“რეალი”) ერთად.
