როგორც მოსალოდნელი იყო, “ბარსელონამ” 16 წლის ბულგარელი ამომავალი ვარსკვლავი მარტინ გეორგიევი დაიმატა.
“ბლაუგრანას” მიერ დღეს გავრცელებული ინფორმაციით ახალგაზრდა ცენტრალური მცველი კატალონიელთა 19 წლამდელთა გუნდს შეუერთდება. აქამდე არსებული ცნობებით ის “ბარსა ატლეტიკის” ფეხბურთელი გახდებოდა. სავარაუდოდ ბულგარელ ტალანტს “ბარსას” სარეზერვო გუნდშიც ხშირად ვიხილავთ.
მიუხედავად იმისა, რომ გეორგიევი ჯერ მხოლოდ 16 წლისაა, მას სოფიას “სლავიას” პირველი გუნდის შემადგენლობაში უკვე 7 თამაში აქვს ჩატარებული. გარდა ამისა მარტინი გამოდის ბულგარეთის არა მხოლოდ 17, არამედ 19 წლამდელთა ნაკრებშიც.
აღსანიშნავია ისიც, რომ ახალგაზრდა ბულგარელი სიმაღლეში უკვე 184 სანტიმეტრია.
დარწმუნებული ვარ გაისად დააწინაურებენბთუ განვითარება გააგრძელა
კარგია, ლევანდოვსკი და სილვა მოდიანო და ესეც თუ დაგვემატება რაღა გვიჭირს.
ამ ასაკისთვის აღნაგობა ძალიან მაგარი აქვს, საერთოდ არ ეტყობა 16 წლის როა,იმედია კარგად გამოიჩენს თავს
მართლა სერიოზული ტალანტია და იმედია ვიხილავთ დიდხანს პირველ გუნდში
ძააან მაგარი ბიჭია, დაიმახსოვრეთ მისი სახელი. აუცილებალ მოიხოდება <3