ვის იყენებს რონალდ კუმანი ყველაზე მეტად?

გუნდიდან ლეო მესის წასვლის შემდეგ, “ბარსელონას” სეზონს ძალიან მძიმედ იწყებს – კატალონიელები ლა ლიგაში ამჟამად მე-9 პოზიციაზე იმყოფებიან და ბოლო 4 მატჩიდან მხოლოდ 1 მოიგეს, ჩემპიონთა ლიგის ჯგუფში კი 0 ქულა აქვთ.

Transfermarkt-ის მიხედვით, რონალდ კუმანი მიმდინარე სეზონში ყველაზე მეტად მემფის დეპაის იყენებს – მან “ბარსას” 9-ვე თამაშში მოედანზე 90-90 წუთი გაატარა. შემდეგი სერხიო ბუსკეტსია, რომელმაც ასევე ყველა შეხვედრაში ითამაშა, თუმცა, მოედანზე ჯამში 734 წუთი გაატარა. სამეულს ფრენკი დე იონგი ხურავს, რომლის ანგარიშზეც 8 მატჩში 676 წუთია.

რაც შეეხება მარკ-ანდრე ტერ შტეგენს, მან 7 შეხვედრა სრულად ჩაატარა (630 წუთი), სერჟინიო დესტმა კი 8 დაპირისპირებაში მწვანე მინდორზე 615 წუთი დაჰყო.

იხილეთ სრულად:

მემფის დეპაი – 9 მატჩი – 810 წუთი

სერხიო ბუსკეტსი – 9 მატჩი – 734 წუთი

ფრენკი დე იონგი – 8 მატჩი – 676 წუთი

მარკ-ანდრე ტერ შტეგენი – 7 მატჩი – 630 წუთი

სერჟინიო დესტი – 8 მატჩი – 615 წუთი